1 чэрвеня да Дня абароны дзяцей у Дварэцкай сельскай бібліятэцы сямейнага чытання прайшло свята дзяцінства «Сонечная краіна дзяцінства». Сонейка – гэта сімвал дабрыні, цяпла, лета і канікул. Дзеці адправіліся ў займальнае падарожжа па Кніжнай краіне, сустрэліся з любімымі кніжнымі героямі, паўдзельнічалі ў казачнай віктарыне і конкурсе малюнкаў «Сонечнае дзяцінства». Павіншаваць дзяцей са святам прыйшоў настаяцель храма Пакровы Прасвятой Багародзіцы айцец Сергій. У бібліятэцы аформлена кніжная выстава «Свет пачынаецца з дзяцінства».
